Dianchosc Dúnta

Tháinig mé ar an gcomhartha seo inniu. Má tá leagan Gaeilge le bheith ann, bíodh sé cruinn.

Cuma air seo gur as Google a tháinig sé. Tugann Google "strictly" mar aistriúchán Béarla ar "dianchosc" cé nach dtugann sé "dianchosc" mar aistriúchán Gaeilge ar "strictly".

Caithfidh gur "strictly forbidden" an ciall abhí leis an bun leagan ónar thóg an t-aistritheoir an téarma.

Tá Google úsáideach mar úirlis, ach é ar bheagán chéille ar rith agus ar bhlas na cainnte.

Agus thairis sin agus uile, bíonn gá i gcónaí le profáil.

Nul points.

Gúgal Google

Tá Google anois in ann aistriúchán a dhéanamh go Gaeilge agus ón Ghaeilge amach. Tá mórfháilte le cur roimh an áis seo, ach, innste na fírinne, is leagan Beta fós atá ann. Tig leat an dá bhealach seo, breathnú ar shuíomh baile Google féin, a chur i gcomparáid:

Seo é Google.ie as béarla:



Seo é an t-aistriúchán ón úirlis nua:



Seo é Google nuair a roghnaíonn tú an leagan Gaeilge:



Seachas cúrsaí gramadaí, bíonn deacrachtaí ag baint le cora cainte agus le húsáid agus litriú neamh-chaigdeánach. Tiocfaidh feabhas ar na gnéithe seo le himeacht ama. Idir an dá linn, tugann an t-aistriúchán bunchiall an ábhair duit agus tá seo le moladh.

Míbhuntáiste (beag?) a thagann chugam. An mbeidh brú anois ar lucht ghreasán na Gaeilge cloí go docht le leaganacha caighdeánacha den uile ní.

Ba thrua mhór é dá mbeadh.

Bhí lán ár ndóthain den chineál seo ruda againn le litreoirí Meiriceánacha Microsoft.